Khabar-e-tahayyur-e-ishq sunn

Contemplating on this masterpiece by Siraj Aurangaabadi. 
Will posts thoughts soon.


Khabar-e-tahayyur-e-ishq sunn, na junoon raha na pari rahi
Na toh tu raha na toh main raha, jo rahi so be-khabari rahi

Shah-e-bekhudi ne ataa kia, mujhay ab libas-e-barahanagi
Na khirad ki bakhiyagari rahi, na junoon ki pardadari rahi

Chali samt-e-ghaib se ik hava, ke chaman zahoor ka jal gaya
Magar aik shakh-e-nihal-e-gham, jise dil kahe so hari rahi

Nazar-e-taghaful-e-yaar ka, gila kis zuban se bayan karoon
Ke sharab-e-sad-qadaah aarzu, khum-e-dil mein thi so bhari rahi

Woh ajab ghari thi main jis ghari, liya dars nuskha-e-ishq kaKe kitab aql ki taaq main, jyun dhari thi tyun hi dhari rahi

Tere josh-e-hairat-e-husn ka, asar iss qadar so yahan hua
Ke na aayine main jila rahi, na pari kuun jalva gari rahi

Kiya khak-e-aatish-e-ishq ne dil-e-benava-e-Siraj ko
Na khatar raha na hazar raha, magar aik be-khatari rahi